O equipo
|
OLALLA
Directora de ADA 
Mestra de profesión, Olalla é tenaz, proactiva, xusta e coherente. Ten unha ilusión que transmite arredor dela e unha capacidade de traballo sobrenatural. Ten espíritu de nena e un amor polos animais que a move a loitar por levar a cabo as súas ideas e proxectos.
|
LUCÍA
Educadora social 
Educadora social por vocación. Forte, resolutiva, divertida, creativa e cunha capacidade incrible para superarse. Gústalle ir á praia cos cans e bailar swing.
|
ALBA
Fisioterapeuta 
Fisioterapeuta especializada en neurorehabilitación, o seu traballo demostra a súa entrega e amor polo que fai. É unha persoa cercana e amábel á que lle encantan os animais e a natureza.
|
|
MARÍA
Psicóloga 
María é psicóloga. Ten moita empatía, dáselle moi ben comunicar e gústalle traballar coa xente vella. É unha persoa creativa, cercana, profesional e divertida. Gústalle moito bailar.
|
NOA
Bióloga 
Bióloga, doutora en bioloxía e educadora ambiental, especializada en educación ambiental. Noa é ilusión. Ten unhas ganas contaxiosas, móvelle a súa paixón polos animais, o medio ambiente e a vida. É amábel, positiva, traballadora e sempre coida das demais persoas. Gústalle coser con telas preciosas e facer deseños xeniais.
|
|
TANGO
Can de intervención 
Tango é un can intenso, paixonal, enérxico, pero tamén sensíbel, cariñoso e protector. Gústalle traballar con peques, en particular con TEA. A súa maior paixón é xogar ao disco.
|
ÍTACA
Cadela de intervención 
Ítaca é unha cadela estábel, intelixente, doce e pallasa. Gústalle estar con xente vella. A súa maior afición é durmir no sofá, e tamén encántalle estar con cachorros de toda especie. Desfruta perseguindo gatos.
|
TOM
Can de intervención 
Tom é cariñoso e tranquilo. Gústalle traballar con persoas vellas, porque sempre dan moitas chuches e mimos. Encántalle xogar coa pelota e meterse na auga.
|
|
MENTIROSO
Cabalo de intervención 
É un cabalo moi nobre e tranquilo. É moi sensíbel e sempre vai tratar de evitar que ninguén se faga dano cerca. Gústanlle moito os bebés. Gústalle estar tranquilo e desfrutar da vida.
|
OLGA
Cadela de intervención 
Este furacán canino saíu da protectora e chegou para non marchar. Vaille a marcha, non para queda un momento e gústalle moito traballar. Encántalle ir ao monte a rastrexar.
|
TIZÓN
Cabalo de intervención 
Tizón é un cabalo moi respectuoso, seguro e intelixente. Valora moito o respecto e apreza o bo trato, e gústalle que lle traten ben e con cariño. Encántalle revolcarse na area.
|
|
CIRCE
Cadela colaboradora 
É unha cadela moi especial. Ten unha discapacidade que lle impide controlar os seus impulsos correctamente. É moi doce, cariñosa e impulsiva. É unha cadela feliz á que lle gusta todo e todo o mundo. Está a punto de comezar a traballar nun proxecto moi, moi bonito...
|
JULIETA
Cabra colaboradora 
Julieta é moi intelixente, túzara, pallasa e gústalle xogar. Encántalle investigar e curiosear, abrir portas e sacar as cousas do sitio. Tamén lle gusta moito comer. Traballa en educación medioambiental para concienciar sobre benestar animal e estivo en sesións con persoas con alzheimer.
|
NAMASTE
Can de intervención 
Namaste é un can moi tímido e cariñoso, inda que ao principio é desconfiado. Ten xordeira, polo que traballa con lingua de signos e aprendeu a seguir sinais. Traballa con persoas da comunidade xorda. Gústanlle as crianzas e xogar á pita.
|
|
RUMBA
Cadela de intervención 
Cariñosa compulsiva, xoguetona e alegre. Encántalle facer a croqueta na herba fresquiña e nadar tras as gaivotas. Gústalle moito a xente e é moi coidadosa coas crianzas.
|
LENDA
Perra de intervención 
Cadela cunha intelixencia emocional moi alta que xestiona moi ben ao resto de cans e as mandas. Non lle gustan nada os conflictos nin a enerxía demasiado alta. É moi cariñosa e tranquila e desfruta moito da xente. Lenda participa no proxecto Xesta nas saídas a rúa.
|
FRIDA
Perra de intervención 
Frida é unha cadela cariñosa, inda que ao principio pareza seria. Encántalle xogar á pelota e comer.
|
